لماذا تخجل من ابوك اكتر من امك ؟؟؟؟؟؟؟؟؟؟؟؟؟؟؟؟

كثير من الاطفال والشباب يميلون الى امهم اكثر من ابوهم
يعني اذا احتاج قروش او بيطلب حاجه او بيسأل عن حاجه تشوفو يخجل كثير من ابوه
ويخت الحرقه في امه
احيانا الاب بي خت حاجز بينهةوبين اطفاله ويكون جاد اكتر من الازم
وانا استغرب من العلاقه بين بنتو او ولدو
انا بقول الاحترام لابد منه بس لكن مامسأله خوف او الاحياء الزايد مع الابو
يعني احيانا تشوف الابو يتونس مع اولاد الناس واولاد الجيران وكدا لكن مع اولادو بكون جدي زياده عن الزووم
وفي ابهات زي الاصدقاء مع ابنائهم وتلقاهم فرد عديل ودا احلى شئ لكن لابد من الاحترام مش تمشي لي ابوك تقوليه عندك سيجاره وكدا
طيب انا اسي داير اعرف الغلط شنو لمن الولد او البت تخجل من ابوهو هل من التربيه او الابو هو البكون زرع الخوف في قلب ابنائه؟؟؟
نترك لكم احبابي بقيه النقاش

وين يا صحابي الحاج ده فرده عديل كده

مشرف عدد الرسائل : 126 تاريخ التسجيل : 25/02/2008

موضوع شيق شـــــــــــــــــــــــــــــــــــديد صراحه
وفي رأئي الشخصي لانو الاب يتسم بالصرامه والحزم اكثر من الام والام طبعا حنونه شديد .......

لان الام تعامله لين مع الاطفال وعندها وقت تسمع فيهو كلامهم بس الاب دايما صارم وماعندو تايم

ويديك الف عافية على الموضوع

تقبل ودى ووردى

من ناحيتي انا مافي خجل مع الاتنين بعدين الحاج فردة لدرجة بقول ليهو ابو الشباب

يسلمووووووووووووووووو يا حاوين وما تحرمونا من طلتكم

انا عن نفسي ابوي دا كلو شي عندي في الدنيا
وبميل ليهو اكتر من امي وعلى قولتكم فردة عديل
والناس بتختلف طبعا من اب لاخر لكن انا ابوي دا
بحسو مميز عن كل الاباء فيهو صفات نادرة
ومجتمعه فيها اغلبيه الصفات السمحه وانشاء الله
يا رب تديهو طوله العمر ويخليهو لينا وما ننحرم
منو انشاء الله وما تتصورو ابوي دا بالنسبه لي شنو
قدر ما اوصف ليكم ما بقدر اصل لاي حد لاني
اذا قعدت اوصف ما بخلص ومشكووووووووووووووووووووووووووووووووووووووووووووووووووووووووووووووووووور شديد يا البرنس بالجد من زمان كت بفتش موضوع عن الاب وارجع واكرر شكري..

لو دايرة اهديهو كلمات بقول ليهو اهديك حروف ما قالا زول وما اظن يقولا وراي بشر