هل هناك حب حقيقي في السودان ....؟؟؟؟

سلام الله عليكم

الاخوان والاخوات في منتداي الرائع المميز

حقيقة لا اخفي عليكم انني بحق معجب بقراءاتكم ومناقشاتكم لما بين الاسطر ولكن لكل كلام عبرة...

الاعزاء وبكل اختصار وممل ايضا...

هل يوجد في السودان حب حقيقي؟؟؟

وان خصصنا هل السودانين يحبون ؟؟حب حقيقي؟؟

وان خصصنا اكثر هل في جامعات الخرطوم حب ؟؟وحقيقي؟؟

كثيرا ماسمعت وشاهدت من يدعون الحب ولكن الصدق في مثل هذه المواضيع موثر ..وقلما نري حب يملك وجدان اي من الطرفين الشاب او الشابة..ونري بام اعيننا كيف وصلنا الي مرحلة ان المادة تعني كل شي ..

اخواني هذه دعوي مني لتفاكر ومناقشة جزء ولو بسيط ..ومناقشة صريحة وزات فائدة وليست ترهلات..

مع خالص ودي واحترامي

تحياتي وسلامي

بصراحة الموضوع جميل جدا وانا عن نفسي ان في السودان في نوعين من الحب حب صادق وهو احلى انواع الحب والحب العلى الماشي يعنى غير الحقيقى الشايفنو اكتر شئ في الايام دى سواء في الجامعات او في اي مكان تانى وطبعا دى حاجه بتزعل لانو الصدق في المشاعر بقي نادر جدا الايام دي

وتسلمى على الموضوع

تقبل ودى ووردى

سلام اختي
بصراحه الحب موجود في كل مكان لكن انت تعرفو كيف حب دي المشكله والسائد هذه الايام حب المصلحه يعني انا بحبك لي مصلحتي عشان غرض معين وفي الجامعات نظام جامعه وجكس وكدا وتقضيه وقت ما اكتر لكن ده ما معناهو انو مافي حب في الجامعات عندنا في لكن بي نسبه بسيطه وما دايما بينجح

مشرف عدد الرسائل : 126 تاريخ التسجيل : 25/02/2008

حقيقه طرح رائع جدا جدا وانا في رأيئ الشخصي في السودان او غير السودان الحب هو الحب يعني ما بيختلف بإختلاف الموقع الجغرافي سواء في الجامعات او غيرو لكن الحب الحقيقي بيتوقف على مصداقيت الزول المحب وجديتو فهناك الصالح وهو المحب الحقيقي وهناك الطالح وهو المحب الهزلي وهو لايحب من اجل الحب وإنما من اجل اغراض شخصيه بحته تكون في صالحه ، اما بالنسبه للسودان والحب في السودان فوالله انا زرت كم بلد لم اجد حقيقه شعب حبيب زي السودانين ولكن طبعا هناك ظروف تحكم هذا الحب اما بالنسبه للحب في الجامعات السودانيه وهي كاي جامعات هناك ايضا من يحب بصدق ويخلص لحبه وهناك من يتلاعب وكلاهما يمكن ان نعرفه ونكشف الصادق منهم والكاذب كذلك ، بالتاكد اولا من مدى جديت هذا المحب ..

في الختام الكلام في هذا الموضوع يطول شرحه حقيقه لكن نسأل الله ان يبعدنا من المحب الكاذب.
واتمنى لكم حياة مليئه بالحب والسعاده.......

حقيقة يوجد حب واهل السودان عايشن علي الحب ليس بالضروري حب عاطفي
المهم يجمعهم الحب
اما حب الجامعات هو الموضة او السنة المتعبة واصبح روتين لكل الشباب او يمكن نقول عليها عادة والحب الجامعي هو حب حقيقي لاكن ليس متوج بخاتمة سعيدة وذلك لسبب اساسي وهو الظروف المادية وتقارب العمر لايمكن ان احب شخص من اول جامعة الي نهاية الجامعة فترة 5سنين او 4 ومن بعدها ينتظرني واخص الفتاة لانها بتكبر وعلي قول اهلنا بتبور بس مافي راجل ببور
موضوعك مدهش ياهمس

تسلمووووووووووووووو ياعسل

موضوعك حلوه شديد يا ستي لاكين بلاجد كده حب في السودان صعب شديد لانو بصراحة انا لمن شفت شباب الجامعات اقتنعته انو مافي حاجة اسمها حب الواحده يغش عليها ولد انو بريدها ويخربه ويخليها هو يمشي عشان يفتش ليه بت تانية يخربها وهي بدل ما تاخذ حظرها من الاولاد تكمل في سكة الخراب العملة ليها هو
بس وريني يكووون في حب كيف مع الحاصل ده

تسلموووو على المرور

والله مع احترامي للشعب السوداني انا شايف نو السودان مافيهو حب نهاي

والله موضوك جد شيق ويستاهل النقاش..لانو الاراء حول الموضوع دا بتختلف
وانابشوف انو في كل مكان في الحب..بس جديت المشاعر بتعتم على الطرفين
وصراحة في السودان وبذات الجامعات الحب الحقيقي بدا يتلاشى شويه شويه
وانا بشوف انو السبب لي كدا..البدخلوا الجامعات في السنين الاخيره ناس تفكيرهم ضغير ومحدود
بس خاتين في بالهم انو داخلين الجامعة عشان يحبو ويتحبوا (مع احترامي للكل)...
عشان كداالحب البجد بقى نادر في الجامعات ..وحتى لوفي بقى نادر مايستمر ويصل لنهاية..
ومره تانية بشكرك على الموضوع..